باغ آزا دکشمیر
مسلم کانفرنس کے قائد اور آزادکشمیر کی سابق وزیر اعظم سردار عتیق احمد خان نے بھارت کی عوام کو خبردار کیا ہیکہ بھارت کو پاکستان سے نہیں ہندو انتہا پسندی سے اور نریندر مودی سے خطرہ ہے بھارت پاکستان کے ساتھ تعلقات کو معمول پر لائے کنٹرول لائن کے آر پارٹریڈ اینڈ ٹریول میں رکاوٹیں نہ ڈالے کشمیر کےآر پار ریلیجیئس ٹور ازم شروع کرے ورنہ جنوب مشرقی ایشیا میں پائیدار امن کا خواب کبھی پورا نہیں ہو سکتا
سردارعتیق احمد خان آج باغ میں الحاق پاکستان کی داعی واحد سیاسی جماعت مسلم کانفرنس کے ستاسی ویں سالانہ کنونشن سے خطاب کر رہے جہاں انہیں مسسلسل چھٹی بار جماعت کا صدر منتخب کئے جانے کے باوجود انہوں نے رضا کارانہ طور پر سینئر نائب صدر مرزا شفیق جرال کو نیا صدر نا مزد کیا جس کی توثیق جنرل کونسل سے حاصل کی گئی مرزا شفیق جرال نے نئے صدر جماعت کا حلف اٹھانے کے بعد اپنے خطاب میں کہا کہ مسلم کانفرنس کشمیر کے مسلمانوں کی واحد سیاسی جماعت ہے جس نے قیام پاکستان سے پہلے پاکستان کے ساتھ کشمیر کی الحاق کی قرار داد منظور کی اس موقع پر قائد مسلم کانفرنس سردار عتیق احمد خان نے بھارتی مقبوضہ کشمیر میں بھارتی مظالم اور حریت کانفرنس کے راہنماؤں کی قید وبند اور تشدد پر شدید تشویش کا اظہار کیا انہوں نے مطالبہ کیا سید علی گیلانی مسرت عالم یسین ملک میر واعظ سمیت تمام کشمیری راہنماؤں کو رہا کرکے انہیں سیاسی سرگرمیاں جاری رکھنے کی اجازت دی جائے انہوں نے کشمیریوں کی سیاسی یکجہتی اور آزاد کشمیرمیں سیاسی رواداری کا خیر مقدم کرتے ہوئے کہا کہ پاکستان کی سیاسی جماعتیں اپنے جھگڑے پاکستان تک محدود رکھیں اور آزاد کشمیر کے لوگ تحریک آزادی کی عظیم تر مقاصد میں مصروف ہیں پاکستانی سیاسی جماعتوں کے جھگڑے آزاد کشمیر میں نظریاتی افراتفری پیدا کر سکتے ہیں ان کا کہنا تھا کہ کچھ لوگ اقتدار کے لئے اللہ اور اسلام کا سہار لیتے ہیں اور کچھ اسلام آباد کی طرف نظریں لگائے بیٹھے ہیں مسلم کانفرنس کو اس سے کوئی غرض نہیں کہ اسلام آباد میں پی ٹی آئی ہے یا کوئی اور عمران خان اگر ناراض ہیں تو ایک گلاس پانی زیادہ پی لیں
باغ شہر کے مرکزی علاقے میں ہونے والے الحاق پاکستان کے حامیوں کے کنونشن میں ہزاروں کارکنوں نے شرکت کی کنونشن کے اختتام پر پاکستان اور پاکستانی افواج کے حق میں قائد مسلم کانفرنس نے بذات خود نعرے لگوئے اور کہا کہ ریاست میں تعینات فوجوں میں محافظ اور قابض فوج میں فرق کرنا ہوگا ہم ریاست میں تعینات پاکستانی فوج کے ساتھ شانہ بشانہ کھڑے ہین
364 Views